Приведен е Жак Морети, ко-сопственик на барот „Ле Констелашн“ во кој 40 лица загинаа во пожар на новогодишната ноќ. Тој е во притвор поради потенцијален ризик од бегство, објави весникот „24 часа“, повикувајќи се на обвинителите.

Ова се случи неколку дена откако се дозна дека барот во скијачкиот центар во Кран-Монтана не бил подложен на годишна инспекција во последните пет години.

Во разговор со новинарите претходно оваа недела, Николас Феро, градоначалникот на Кран-Монтана, рече дека сите прскалки, за кои се верува дека се причина за пожарот, се забранети во рамки на објектите.

Минатата недела, истражителите изјавија дека веруваат дека прскалки прикачени на шишиња шампањ запалиле фатален пожар во швајцарски скијачки центар кога се приближиле премногу блиску до таванот на барот.