Рускиот претседател Владимир Путин денеска потврди дека минатата недела во Абу Даби, главниот град на Обединетите Арапски Емирати (ОАЕ), на иницијатива на Киев, се одржал состанок меѓу руски и украински претставници.
Зборувајќи на прес-конференција во Бишкек, главниот град на Киргистан, Путин истакна дека на состанокот присуствувал „претставник на американската администрација.
„Присуството на американски претставници на разговорите во Абу Даби беше изненадување“, рече тој.
Според претседателот на Русија, САД ја информирале Москва дека ќе испратат делегација во првата половина од следната недела, додавајќи дека нејзиниот состав е „исклучиво одлука на Вашингтон“.
Во врска со објавениот нацрт-договор за мир, Путин рече дека Москва гледа дека САД вклучуваат некои руски позиции, но други точки бараат сериозна дискусија.
