Туркије решително ќе се придржува до своите амбиции во однос на вселената сè додека не стане силен и почитуван учесник во глобалниот вселенски екосистем, порача денес турскиот претседателот Реџеп Таип Ердоган.

Говорејќи на отворањето на 77. Меѓународен астронаутички конгрес во Анталија, на турската ривиера, Ердоган го истакна напредокот на Туркије во сателитските технологии и истражувањето на Месечината, притоа повикувајќи на пошироко меѓународно учество во вселенските активности.

„Нема да отстапиме од нашата цел сè додека не ја направиме Туркије еден од силните и почитувани актери во глобалниот вселенски екосистем“, рече тој.

Не дозволувајќи си да заостане во вселенската трка, Туркије постигна значителен напредок за кратко време и покрај пречките и тешкотиите, истакна Ердоган.

Тој нагласи дека се завршени активностите за производство, склопување и интеграција на вселенското летало за мисијата на Месечината, развиено во рамките на турската Програма за истражување на Месечината.

Леталото тежи околу 3,5 тони и има удел на домашно производство поголем од 80%, што Ердоган го нарече „извор на голема гордост“.

Турскиот претседатело го спомена и Турксат 6А, комуникацискиот сателит на Туркије развиен со домашни капацитети.

„Турксат 6А, исто така, ги потврди инженерските способности, индустриската инфраструктура, човечките ресурси и довербата на Туркије во вселенските технологии“, рече тој.

Ердоган изјави дека ТЕХНОФЕСТ, големиот турски фестивал за воздухопловство и технологија, кој заврши минатата недела во југоисточниот град Шанлиурфа, привлекол пријави од повеќе од 730.000 тимови од сите 81 област во Туркије и од 97 земји од светот.

Осврнувајќи се на проектот на Туркије за вселенско пристаниште во африканската држава Сомалија, еден од сојузниците на Анкара, Ердоган рече дека цел е да се зајакне пристапот на земјата до вселената, а истовремено да се придонесе кон развојот на африканскиот вселенски екосистем.

Ердоган нагласи дека вселенската трка не може да биде натпревар на само неколку земји и ги критикуваше обидите за вепонизирање на вселената.

„Вселената не е плен што треба да го присвои оној што прв ќе стигне таму“, рече тој. „Особено е многу погрешно да се вепонизира вселената и таа да се претвори во инструмент за трка во вооружување.“

Ердоган изрази надеж дека конгресот, чиј домаќин првпат е Туркије, ќе биде од корист за земјите учеснички и за заедничката иднина на човештвото.

Собирот ја обединува меѓународната вселенска заедница во Анталија, а ќе трае до петок. Анадолу е глобален комуникациски партнер на настанот.