Путин и Трамп преку помошниците си разменија честитки за Денот на победата
На овој ден во Русија и неколку други земји, вклучувајќи ги и поранешните советски држави, се одбележува победата на Советскиот Сојуз над нацистичка Германија во Втората светска војна.
Рускиот претседател Владимир Путин и претседателот на САД Доналд Трамп денеска преку нивните помошници, разменија честитки за Денот на победата.
Потврда стигна од помошникот на рускиот претседател Јуриј Ушаков за државниот радиодифузен сервис Канал 1.
Одговарајќи на прашањето дали двајцата претседатели употребиле некои специфични фрази, Ушаков рече дека размениле „топли зборови“.
„Меѓусебни честитки за заедничкиот празник, големиот празник“, додаде Ушаков.
Честитките дојдоа во време на прославите на Денот на победата, празник што се одбележува во Русија и неколку други земји, вклучувајќи ги и поранешните советски држави, за да се одбележи победата на Советскиот Сојуз над нацистичка Германија во Втората светска војна.
Како дел од празникот, на Црвениот плоштад во Москва се одржа годишна воена парада по повод 80-годишнината, со учество на неколку странски лидери, вклучувајќи го и кинескиот претседател Си Џинпинг.