Земјотрес со јачина од 5,1 степен го погоди кинескиот регион Синџијанг

Земјотрес со јачина од 5,1 степен е регистриран денес во северозападниот кинески автономен регион Синџијанг Ујгур, а според државните медиуми, засега нема извештаи за жртви.

Земјотресот го погоди округот Јули во монголската автономна префектура Бајинголин во 12:12 часот по локално време, објави новинската агенција Синхуа, цитирајќи го кинескиот сеизмолошки центар.

Потресот се случил на длабочина од 15 километри, со епицентар на 40,88 степени северна географска ширина и 84,17 степени источна географска должина.

Засега нема извештаи за настрадани лица или значителни оштетувања на објектите и инфраструктурата.