Силос за складирање пченица и друг објект во југозападната иранска покраина Хузестан беа погодени од американски проектили во текот на ноќта, изјави покраински функционер Валиолах Хајати, информира новинската агенција Фарс.
Хајати рече дека нема пријавени жртви. Тој додаде дека проценките се во тек и дека дополнителни детали ќе бидат објавени подоцна.
Претходно, американскиот претседател Доналд Трамп изјави дека нападите врз Иран ќе продолжат и ќе се интензивираат во наредните денови, предупредувајќи дека САД ќе почнат да ги таргетираат електраните и мостовите во земјата следната недела, доколку Техеран не се врати на преговарачката маса.
Тензиите меѓу САД и Иран ескалираа во последните денови околу Ормутскиот Теснец, при што двете страни разменија напади и покрај меморандумот за разбирање потпишан со посредство на Пакистан, насочен кон прекин на конфликтот и постигнување траен мировен договор.
Иран, исто така, испрати писмо до ОН обвинувајќи ги САД за кршење на Меморандумот за разбирање од Исламабад.
