Претседателот на Србија Александар Вучиќ изјави дека земјата влегла во изборна година и дека единственото прашање што останува е дали покрај парламентарните избори ќе се одржат и претседателски избори.

Според Вучиќ парламентарните избори ќе се одржат најдоцна во рок од една година, а дека надлежните институции ќе одлучат дали истовремено ќе се одржат и претседателски избори.

„Денес официјално влеговме во изборната година и нема сомнение дека ќе имаме избори најдоцна во рок од една година“, рече Вучиќ.

„И да видиме дали ќе има само парламентарни избори или ќе има парламентарни и претседателски избори заедно. Но, надлежните институции ќе донесат одлука за тоа“, додаде тој.

Вонредните парламентарни избори во Србија се одржаа во 2023 година.