ССМ на протест пред Собранието
Целта на протестот е спречување на народните избраници со своите автомобили да дојдат на работа и да успеат да добијат пари за патни трошоци. Од ССМ велат дека се одлучиле на ваков чекор поради молкот за зголемување на платите
Сојузот на синдикати на Македонија денеска ќе го блокира пристапот до Собранието, за пратениците да не можат дојдат на работа со возила.
Целта на протестот на ССМ е народните избраници за денешниот ден да не можат да ги наплатат патните трошоци за доаѓањето на работа.
Револтот на работниците според претседателот на синдикатот Слободан Трендафилов е поради молкот на пратениците за зголемувањето на минималната плата и сите останати плати. Барањето на синдикатот е зголемување на минималната плата на 600 евра и зголемување на другите плати за најмалку 6 000 денари.
Блокадата е најавена за утрово, со почеток во 9 часот, и ќе се одржи пред Собранието, односно на улиците „11-ти Октомври“ и „Даме Груев“.