Американскиот претседател Доналд Трамп изјави дека не размислува за продолжување на сегашниот прекин на огнот со Иран, информираше Еј-Би-Си.

„Мислам дека ќе гледате неверојатни два дена пред нас. Навистина така мислам“, рече Трамп.

Според Еј-Би-Си, Трамп посочил дека конфликтот би можел да заврши или преку договорено решение или преку воена акција што ќе ги елиминира капацитетите на Иран.

„Може да заврши на кој било начин, но мислам дека е подобро да се постигне договор бидејќи тогаш тие можат да се обноват. Тие навистина сега имаат поинаков режим. Без разлика на сè, ние ги отстранивме радикалите. Тие си заминаа, повеќе не се со нас“, беше цитиран Трамп.

„Да не бев претседател, светот ќе беше растргнат на парчиња“, изјави Трамп за неговата улога на глобалната сцена.