Европските индекси паднаа, а цените на нафтата се искачија на речиси 108 долари за барел откако американскиот претседател Доналд Трамп во обраќањето до нацијата за ситуацијата на Блискиот Исток објави дека Соединетите Американски Држави ќе го удрат Иран „екстремно силно“ во следните две или три недели.

Според податоците од берзите, цената на суровата нафта се зголеми за 6,41% на 106.494 долари за барел во 9:30 часот наутро, а цената на нафтата од типот Брент се зголеми за 6,62% на 107.909 долари.

Кратко по говорот на Трамп, азиските пазари ги поништија претходните добивки во тргувањето во четврток, бидејќи паднаа референтните вредности во Австралија, Јапонија и Јужна Кореја, што се пренесе и на европските акции.

Индексот ДАКС на Франкфуртската берза падна за 1,41% на 22.946,81 поени, францускиот ЦAЦ 40 за 1,2% на 7.883,07 поени, британскиот ФТСE 100 за 0,56% на 10.306,32 поени, а московскиот MOEКС порасна за 0,22% на 2.781,13 поени

Европските фјучерси за гас за мај беа продадени на отворањето на берзата ТТФ во Амстердам по цена од 50.250 евра за мегават-час.

Цената на златото падна на 4.621,42 долари за тројанска унца, а цената на пченицата се искачи на 6,0456 долари за бушел (еден бушел е еднаков на 27,216 кг).

Вредноста на еврото во однос на доларот на Форекс берзата е 1,15317 долари, што е за 0,5 проценти повисока отколку на почетокот на тргувањето.

На американските пазари, вредноста на индексот Дау Џонс се зголеми за 0,48% на 46.565,74 поени, на С&П 500 за 0,72% на 6.575,32 поени, а вредноста на индексот Насдак за 1,16 % на 21.840,95 поени.