Синдикатот на германските пилоти објави дека дремењето за време на летовите станало „загрижувачка реалност“ за германските пилоти и дека „растечкиот замор“ е забележлив во секторот.

Синдикатот на пилоти „Вереинигунг“ објави дека во последните недели спровел анкета на повеќе од 900 пилоти, која покажала дека 93 проценти од нив признале дека дремат за време на летот во последните неколку месеци, објавуви Гардијан.

Со предупредување дека анкетата „не е репрезентативна“, синдикатот наведува дека 12 проценти од испитаниците рекле дека дремат на секој лет, 44 проценти дека го прават тоа редовно, 33 проценти дека дремат повремено, три проценти рекле дека дремеле само еднаш и седум проценти дека повеќе не можат да пресметаат колку често дремат.

„Дремката одамна стана норма во германските пилотски кабини. Она што првично беше замислено како краткорочна мерка за закрепнување, се претвори во траен одговор на структурниот притисок. Кратката дремка сама по себе не е критична. Но трајно исцрпениот екипаж во пилотската кабина претставува значителен ризик“, рече потпретседателката на синдикатот Катарина Диселдорф.

Таа рече дека недостигот на персонал и „зголемениот оперативен притисок“ ја влошиле ситуацијата за пилотите, особено во текот на летните месеци.

Синдикатот соопшти дека ги дефинира дремките како „контролирани периоди на одмор за време на фазата на лет“.