Орбан тврди дека подготовките за самитот Русија-САД во Унгарија се „во полн ек“

Унгарскиот премиер Виктор Орбан изјави во петокот дека подготовките за мировниот самит Русија-САД во Будимпешта се „во полн ек“ и дека неговата земја може да игра „клучна улога во постигнувањето мир“.

„Не сакам да зборувам за детали, бидејќи преговорите се во тек. Унгарија има вредност и придонес во каузата за мир“, изјави Орбан за локалните медиуми, додавајќи дека Унгарија „ги држи дипломатските канали отворени кон Русија“.

Тој нагласи дека Унгарија е единствената европска земја во постојан контакт и преговори со Русија и дека тој лично може, „а понекогаш и би сакал“, да разговара со рускиот претседател Владимир Путин доколку е потребно, објави Танјуг.

Орбан нагласи дека способноста на Унгарија во овој процес може да придонесе за завршување на конфликтот и ја нагласи важноста на земјата како посредник во мировните напори.

Унгарскиот премиер, исто така, рече дека ризикот од ширење на војна меѓу Украина и Русија е „секојдневна можност“ поради западните лидери кои, според него, даваат простор на провоени наративи.

Во интервју за јавното радио, Орбан ја повика Европа да „се сврти и да се движи кон мир, а не кон војна“, објави МТИ.

Орбан нагласи дека фундаменталното прашање е што е во интерес на Европа, а неговиот одговор е - „мир“.

Тој нагласи дека Европа треба да вложи максимални напори за да постигне стабилност и да избегне конфликт што би можел да „ја уништи европската економија“.