| Macedonian
РЕГИОН
2 мин читање
Триесет и пет години од првиот Устав на независна Македонија
Највисокиот државен акт беше донесен во период на историски промени и распаѓање на поранешната југословенска федерација, по референдумот од 8 септември 1991 година, на кој граѓаните се изјаснија за самостојна и суверена држава.
Триесет и пет години од првиот Устав на независна Македонија
Триесет и пет години од првиот Устав на независна Македонија / Other

На денешен ден, пред 35 години, на 17 ноември 1991 година, Собранието на Република Македонија го донесе првиот Устав на независната македонска држава, со што беа поставени темелите на нејзиното уставно-правно уредување.

Највисокиот државен акт беше донесен во период на историски промени и распаѓање на поранешната југословенска федерација, по референдумот од 8 септември 1991 година, на кој граѓаните се изјаснија за самостојна и суверена држава.

Со Уставот Македонија беше дефинирана како суверена, самостојна, демократска и социјална држава, а беа утврдени основните принципи на парламентарната демократија, поделбата на власта и заштитата на човековите права и слободи, како и институционалната рамка на независната држава.

Неговите темелни принципи се поврзуваат со вековната борба на македонскиот народ и со историските стремежи за државност, втемелени во традициите на Крушевската Република и на АСНОМ, како и со заложбите за демократско уредување и остварување на правата и слободите на граѓаните.

На донесувањето на Уставот му претходеше Декларацијата за независност, усвоена од првиот повеќепартиски состав на Собранието на 25 јануари 1991 година.

Меѓународно-правниот субјективитет на државата беше потврден на 8 април 1993 година, кога Република Македонија беше примена во Обединетите нации како 181. полноправна членка. Поради противењето на Грција на уставното име на државата, приемот беше извршен под привремената референца „Поранешна Југословенска Република Македонија“.

Во годините по неговото донесување, Уставот претрпе повеќе измени и дополнувања, меѓу кои позначајни беа амандманите од 2001 година, по потпишувањето на Охридскиот рамковен договор, како и измените од 2019 година, со кои беше променето уставното име на државата во Република Северна Македонија.

По повод 35-годишнина од првиот Устав, денеска во законодавниот дом ќе се одржат низа панел-дискусии на кои ќе се дебатира за донесувањето на највисокиот правен акт и осамостојувањето на државата.

ИЗВОР:TRT Balkan / агенции
Повеќе
Дуран: Израел користи дезинформации за да ги прикрие масакрите во Газа
ЕУ: Платформите на социјалните медиуми не ги отстрануваат пријавените измами
Фидан: Туркије мора да преземе водечка улога во зајакнувањето на регионалната поврзаност
АСЕАН и Јапонија го одржаа 29-тиот самит во Манила, ветуваат посилна соработка
Форензички експерт вели дека смртта на Епстин е поверојатно убиство отколку самоубиство
Израел фрла експлозив спакуван во кутии врз објекти во Газа
Палестина бара одговорност од Израел за прегазени осум лица
Венс ветува дека Трамп нема да дозволи конфликтот со Иран да прерасне во уште една „вечна војна“
Рама: Колку побрзо Србија го признае Косово, толку подобро ќе биде за сите во регионот
Новото тричлено претседателство на БиХ ја презеде функцијата
Турскиот министер за надворешни работи учествува на министерски состанок во Брисел
Папата Лав XIV од Латинска Америка упати пораки за вера и правда
Трамп: Прашањето за шпионажа над Енвидија ќе го покренам со кинескиот лидер Ши
Од полноќ ново намалување на цените на бензините и дизелот
Израел прогласи палестинско село за „затворена воена зона“ и ја протера европската делегација