Во нови рации во Туркије уапсени 18 припадници на ИСИС (Даеш)
Операцијата беше спроведена под координација на Канцеларијата на главниот јавен обвинител по откривањето на пропагандна содржина поврзана со терористичката група.
Турските безбедносни сили денеска уапсија 18 осомничени лица во одделни антитерористички операции насочени кон терористичката група ИСИС (Даеш) во источна Туркије, соопштија властите.
Во југоисточната покраина Шанлиурфа, осум осомничени лица беа уапсени за наводно споделување објави на социјалните мрежи во кои се фали ИСИС (Даеш), соопшти канцеларијата на гувернерот.
Операцијата беше спроведена под координација на Канцеларијата на главниот јавен обвинител по откривањето на пропагандна содржина поврзана со терористичката група.
Во меѓувреме, во источната покраина Агри, полицијата приведе 10 осомничени лица за време на истовремени рации насочени кон наводни активности на ИСИС (Даеш). Безбедносните сили, исто така, запленија забранети публикации и дигитални материјали за време на претресите на адресите.
Истрагите се во тек како дел од пошироките напори на Тукије за спречување на регрутирањето, пропагандата и организациските активности на терористичката организација по смртоносниот напад во Јалова во кој загинаа тројца полицајци на 29 декември.