Иран: Ерфан Солтани не е осуден на смрт
Иранскиот министер за надворешни работи, Абас Аракчи во писмо до генералниот секретар на ОН и изјави дека имало голем број жртви за време на протестите во таа земја, но не го прецизираше нивниот број
Иранецот Ерфан Солтани (26), кој беше уапсен на 10 јануари за време на протест, не е осуден на смрт, објавија иранските државни медиуми, повикувајќи се на судски извори.
Како што е објавено, Солтани, кој моментално е во централниот затвор во Карај, е обвинет за „заговор против внатрешната безбедност на земјата и пропагандни активности против режимот“, но дека смртната казна не се однесува на таквите обвиненија доколку судот ги потврди, пренесува Ројтерс.
Обвинителите во Техеран претходно објавија дека ќе поднесат смртни обвиненија против уапсените за време на протестот за „мохаребе“, односно за водење војна против Бога, објави вчера американскиот Стејт департмент.
Медиумите вчера објавија дека според тоа обвинение, лице идентификувано како Ерфан Солтани (26) е осудено на смрт, што би го направило првиот демонстрант на кој му е изречена смртна казна додека над 10.600 Иранци биле уапсени за време на протестите што зпочнаа на 28 декември, поради падот на вредноста на иранската валута и тешката економска состојба.
Амнести интернешнл потоа ги повика иранските власти веднаш да ги запрат сите егзекуции, вклучително и оние на Солтани.
Иранскиот министер за надворешни работи, Абас Аракчи, пак, во писмо изјави дека имало голем број жртви за време на протестите во таа земја, но не го прецизираше нивниот број.
Аракчи го испратил писмото до генералниот секретар на ОН, Антонио Гутереш, високиот комесар на ОН за човекови права, Волкер Турк, и министрите за надворешни работи на земјите-членки на ОН.
„Значителен број полицајци беа меѓу загинатите, додека многу други беа повредени. Големиот број жртви го одразува, од една страна, нивото на смиреност што го покажале агенциите за спроведување на законот, а од друга страна, нивото на насилство што го користеле терористичките елементи против нив“, рече Аракчи во писмото.
Тој повика на осуда на терористичките напади извршени за време на немирите, како и на надворешното мешање.
Порано, извор од иранските безбедносни сили изјави за РИА Новости дека повеќе од 500 цивили, полицајци и членови на Корпусот на Исламската револуционерна гарда (ИРГЦ) биле убиени за време на немирите во Иран, а стотици други се ранети.