Франција стана првата земја од ЕУ што потпиша договор за распоредување воени сили во посета со Филипините, се вели во официјалното соопштение денес.

Спогодбата за статусот на воените сили во посета (SOVFA) беше потпишана од филипинскиот министер за национална одбрана Гилберто Теодоро помладиот и француската министерка за вооружени сили Катрин Вотрин во четврток во Париз, соопшти филипинското Министерство за одбрана.

Пактот им овозможува на двете земји да распоредат воен персонал на територијата на другата и да ја прошират одбранбената соработка.

Тој ќе „служи како примарен документ за олеснување на поширок спектар на активности за соработка во одбраната помеѓу филипинските и француските вооружени сили на територијата на која било земја“, соопшти министерството.

Иако Франција е првата земја-членка на ЕУ што потпишала таков договор, таа е шестата земја што го сторила тоа со земјата од Југоисточна Азија.

САД, кои имаат договор за споделување на воени бази со Манила, беа првите што потпишаа SOVFA во 1998 година, по што следеа Австралија во 2007 година, Јапонија во 2024 година и Нов Зеланд и Канада минатата година.