ЛШ: Сити го доби дербито со Борусија, Галатасарај го декласираше Ајакс во Амстердам

Во дербито на вечерта од Лигата на шампионите, Манчестер Сити ја победи Борусија Дортмунд со 4:1 на „Етихад“, додека Галатасарај го декласираше Ајакс во Амстердам со 0:3.

Во Манчестер Фил Фоден му донесе водство на Сити во 22. минута, а седум минути подоцна Ерлинг Халанд постигна гол за 2:0. Тимот од Дортмунд можеше да го намали резултатот во 42. минута, Адејеми се обиде да шутира од блиску, но Гвардиол беше навремен во блокот.

„Граѓаните“ се доближија на чекор до победата во 57. минута со прекрасниот гол на Фоден, а германскиот тим успеа да го намали дефицитот во 72. минута преку Валдемар Антон. Конечните 4:1 ги постави Рајан Черки во судиското продолжение.

Сити се искачи на четвртото место со 10 бода со оваа победа, додека Борусија е на 14-та позиција со седум бода.

Аталанта славеше со 0:1 во „жешкиот“ Марсеј, а решавачкиот гол го постигна Лазар Самарџиќ во судиското продолжение.

По четири кола, Аталанта има седум бода и е на 14-то место, додека Олимпик Марссеј е на 25-та позиција со три бода.

Во најубавиот натпревар на вечерта, Клуб Бриж и Барселона одиграа 3:3. Домаќинот водеше со 1:0, 2:1 и 3:2, но Барса се враќаше секој пат. Бриж ја погоди мрежата по четврти пат во судиското продолжение, но ВАР ги спаси Каталонците.

Николо Тресолди му донесе водство на белгискиот тим во седмата минута, но само две минути подоцна Феран Торес израмни. Во 17-та минута, Бриж поведе повторно преку Карлос Форбс. Барса можеше да израмни во 27-та минута, но Жил Кунде ја погоди пречката.

Каталонците успеаја да израмнат во 61. минута преку Јамал, но само три минути подоцна Форбс „избега“ од гостинската одбрана и постигна гол за 3:2. Барса израмни во 77. минута, Јамал центрираше, а Жоакин Сејс го совлада својот голман со глава. Во судиското продолжение, Вармант го постигна четвртиот гол за домаќините, но тој беше поништен поради прекршок врз голманот на Барса, Шчешни. Барса е на 11-то место со седум бода, а Бриж е на 22-ра позиција и има три бода помалку.

Бенфика и Ајакс го претрпеа својот четврти пораз, овој пат пред своите навивачи. Бенфика загуби од Баер Леверкузен со 0:1, додека Ајакс беше поразен од Галатасарај со 0:3 во Амстердам.

Галатасарај се проби низ Амстердам, предводен од брилијантниот Виктор Осимен.

Гостите поведоа во 59. минута преку голот на Осимен по центаршутот на Лерој Сане, а нигерискиот напаѓач реализираше и пенал седум минути подоцна за 2:0 откако Јури Баас ја фати топката со рака. Турскиот тим доби уште еден пенал во 77. минута за играње со рака, а Осимен повторно беше прецизен.

Галатасарај е на 9. позиција со 9 бода, а Ајакс е на дното, на 36.место без освоен бод и со гол разлика 1-14.

Интер со головите на мартинез и Аугусто со 2:1 го победи Каират, за кого погоди Арад.

Покрај Интер, Баерн Минхен и Арсенал исто така имаат по четири победи и се на врвот од табелата.

Во воведните два натпревари од вечерашната програма Пафос од Кипар го победи Виљареал со 1:0, негова прва историска победа во Лигата на шампиони по две нерешени и еден пораз, додека во Азербејџан Карабах и Челзи одиграа нерешено без голови 2:2.