Турскиот министер за надворешни работи Хакан Фидан според дипломатски извори денеска телефонски разговараше со американскиот државен секретар Марко Рубио за мировните напори во Украина.

Двајцата разговараа за војната меѓу Русија и Украина, вклучувајќи ги и резултатите од мировните преговори меѓу двете страни вчера во Истанбул.

Тие, исто така, разменија мислења за неодамнешните случувања во Сирија и Газа, соопштија изворите.

Истанбул беше домаќин на втората рунда разговори меѓу Русија и Украина вчера. Првата се одржа на 16 мај. Овој пат, двете страни се согласија да разменат повеќе воени заробеници - фокусирајќи се на најмладите и најтешко повредените - и да ги вратат телата на 6.000 мртви војници од секоја страна.