Израелската армија убила тројца Палестинци во неделата и извршила серија воздушни напади низ различни делови од Газа.

Еден Палестинец бил убиен откако израелски дрон отворил оган во област од која армијата се повлекла според договорот за прекин на огнот, северозападно од градот Рафах во јужна Газа, изјави медицински извор за Анадолија.

Израелската армија убила и еден рибар, изјави друг медицински извор.

Според локални извори, израелските поморски сили испукале истрели покрај бреговите на Кан Јунис и Рафах во јужна Газа порано во неделата.

Во северозападното предградие на Рафха друг Палестинец бил застрелан во главата од страна на израелските сили, изјави медицински извор опишувајќи ја неговата состојба како „критична“.

Локални извори изјавија дека областа каде што бил повреден Палестинецот е меѓу оние од кои израелската армија се повлекла според договорот за прекин на огнот.

Петнаесетгодишно момче било убиено од израелски оган во областа Џура Ал-Лут, јужно од градот Кан Јунис во јужна Газа, од каде што армијата се повлече според договорот, изјави медицински извор за Анадолија.

Друг Палестинец добил прострелна рана во бутот откако израелската морнарица отворила оган покрај брегот на Деир ал Балах во централна Газа.

Израелски борбени авиони, исто така, извршиле серија воздушни напади врз различни области северно и западно од Рафах.

Во меѓувреме, израелската армија изврши уривање на станбени згради во источен Кан Јунис, придружено со артилериско гранатирање на областите што се под нејзина контрола според договорот.

Одделно, израелски воени авиони започнаа серија воздушни напади врз различни области во северна Газа и источно од градот Газа.

Во централна Газа, израелски воени возила отвориле неселективен оган кон источните области на бегалскиот камп Буреиџ.

Откако стапи во сила договорот за прекин на огнот на 10 октомври, израелската армија изврши стотици прекршувања, при што загинаа 420 Палестинци, а други 1.184 беа ранети, според Министерството за здравство.

Прекинот на огнот го запре двегодишниот геноцид на Израел во кој загинаа речиси 71.400 Палестинци, повеќето од нив жени и деца, беа повредени повеќе од 171.200 други, а енклавата беше претворена во урнатини.

Но и покрај договорот за прекин на огнот, смртоносните напади на Израел врз Газа продолжуваат.