Прекинот на нападите од страна на Израел е клучен за напорите за воспоставување мир во регионот, му кажа турскиот претседател Реџеп Таип Ердоган на својот американски колега Доналд Трамп во денешниот телефонски разговор.
Во текот на разговорот двајцата лидери зборувале за билатералните односи и ситуацијата во Газа, соопшти Дирекцијата за комуникации на Туркије преку турската социјална платформа НСосиал (NSosyal).
Истакнувајќи ја важноста од преземање чекори за унапредување на билатералната соработка во сите области, особено во одбранбената индустрија, Ердоган истакна дека неговата посета на Вашингтон минатата недела, за време на која имаше повеќе од двочасовен состанок со Трамп, ги зајакнала билатералните врски.
„Анкара вложува интензивни напори за обезбедување мир и спокојство во целиот регион, особено во Газа“, додаде турскиот претседател, истакнувајќи дека Туркије ги поздравува иницијативите фокусирани кон оваа цел.
Ердоган, исто така, го нагласи забрзувањето на дипломатските напори на неговата земја за мир, наведувајќи дека Анкара ќе продолжи да придонесува за мирот во регионот.
