| Macedonian
ТУРКИЈЕ
3 мин читање
Ердоган: Домашниот дрон „Кизилелма“ стана дел од арсеналот на турските вооружени сили
„Верувам дека нашата славна војска ќе реди победи со ’Кизилелма‘ и се надевам дека овој горд, историски момент ќе доведе до големи успеси“, напиша Ердоган
Ердоган: Домашниот дрон „Кизилелма“ стана дел од арсеналот на турските вооружени сили
Ердоган: Домашниот дрон „Кизилелма“ стана дел од арсеналот на турските вооружени сили / AA

Претседателот на Република Туркије, Реџеп Таип Ердоган, објави дека беспилотното борбено летало „Кизилелма“(Kızılelma), произведено во земјата, е испорачано во арсеналот на турските вооружени сили по повеќегодишен развој.

„Верувам дека нашата славна војска ќе реди победи со ’Кизилелма‘ и се надевам дека овој горд, историски момент ќе доведе до големи успеси“, напиша Ердоган на социјалните мрежи.

Турскиот производител на беспилотни летала „Бајкар“ во четвртокот соопшти дека ги испорачал првите три беспилотни борбени летала „Бајрактар Кизилелма“ на турските безбедносни сили, речиси четири години по првиот пробен лет на дронот.

Во соопштение објавено на турската платформа за социјални медиуми „NSosyal“, од „Бајкар“ наведоа дека „Кизилелма“ стана првото беспилотно борбено летало во светот што влегло во воена служба.

„Денес, на нашата нација ѝ го предаваме сонот што почнавме да го остваруваме пред 20 години“, изјавија од „Бајкар“.

Развиено со сопствени ресурси на „Бајкар“, леталото „Кизилелма“ е наменето за воздушна борба и за напади врз цели на површината. Компанијата, исто така, развива можности леталото да оперира од пловни објекти што имаат кратки писти.

Леталото е долго 14,5 метри, има распон на крилјата од 10 метри и максимална тежина при полетување од 8,5 тони.

Според „Бајкар“, леталото може да достигне максимална брзина од 0,9 Мах (што одговара на 90 отсто од брзината на звукот) и да остане во воздух повеќе од три часа.

Од првиот лет до автономен лет во формација

„Бајкар“ го претстави проектот во 2021 година, а прототипот беше прикажан следната година на Фестивалот за воздухопловство и технологија „ТЕКНОФЕСТ“ во турскиот град Самсун.

„Кизилелма“ го изврши својот прв лет на 14 декември 2022 година, за време на 18-минутен тест спроведен во објектот на „Бајкар“ во Чорлу, во северозападна Туркије. Во април 2023 година, за време на тестирањата во Чорлу, „Кизилелма“ летала во блиска формација со беспилотното летало „Бајрактар ​​Акинџи“. Подоцна, двете летала повторно изведоа ваков лет во формација пред публиката на фестивалот „ТЕКНОФЕСТ“ во Истанбул.

Според компанијата „Бајкар“ на 29 ноември 2025 година, за време на тестирањата над Црното Море во близина на Синоп, „Кизилелма“ успешно погоди воздушна цел (млазен тип) користејќи ракета „воздух-воздух“ од турско производство, наречена „Гокдоган“ (Gökdoğan).

Следниот месец, два прототипа на „Кизилелма“ летале автономно во блиска формација над Чорлу.

Од „Бајкар“ наведоа дека леталата користеле софтвер, развиен од инженерите на компанијата, за да ги координираат своите движења и да извршуваат мисии на воздушни патроли долж однапред одредена рута.

Во четвртокот, компанијата изрази благодарност до тимот што работел на развојот на леталото и им оддаде почит на колегите кои ги загубија животите за време на реализацијата на проектот.

Исто така, беше оддадена почит и на покојниот основач на компанијата, Оздемир Бајрактар, за неговиот придонес кон Националната технолошка иницијатива на Туркије.

Повеќе
Туркије ќе ја проширува зелената инфраструктура за да ја направи ВИ еколошки поодржлива
Дуран: Израел користи дезинформации за да ги прикрие масакрите во Газа
Фидан: Туркије мора да преземе водечка улога во зајакнувањето на регионалната поврзаност
Ердоган ја оцени КOП31, чиј домаќин е Туркије, како најуспешна конференција за климата во историјата
Туркије со план за почист транспорт до 2030 година
Мајстор Јахја со децении ја продолжува семејната традиција на изработката на сазови
Образовниот систем на Туркије се спротивставува на глобалниот тренд
Ратификацијата на поморскиот договор Либија-Туркије ја доведува во прашање стратегијата на Грција
Ердоган: Туркије и Катар ќе работат заедно во зачувувањето на регионалниот мир
Бајрактар: Во следните недели ќе почне физичкото пуштање во работа на првиот реактор во НЦ „Акују“
КOП31 го враќа постепеното укинување на фосилните горива во центарот на разговорите за климата
Ердоган повика на итен крај на војната на САД против Иран во разговорите со Пезешкијан
Туркије и Канада потпишаа договор за потенцијална изградба на нова нуклеарна централа
Туркије на КOП31 потпиша договори за финансирање на развојот во вредност од 5,1 милијарди долари
„Акинџи“ тестира муниција за продир во бункери под електронска блокада
Емине Ердоган: Глобалната алијанса Нула отпад да ги претвори локалните решенија во светска акција
Туркије регистрираше 102 производи со географска ознака во првите 10 месеци од 2026 година
Курум од КОП31 предупредува: Ниту една земја не може сама да се соочи со климатската криза
Туркије ги осудува израелските изјави упатени кон претседателот Ердоган како „гнасна и дрска клевета
Развојна банка на ЕУ ќе инвестира 6 милијарди долари во транзицијата кон чиста енергија во Туркије