Зеленски: Украина е подготвена на САД да им ги претстави чекорите за завршување на војната со Русија
Сè зависи од тоа дали Русија е подготвена да преземе ефикасни чекори за да го запре крвопролевањето и да спречи повторно разгорување на војната, смета украинскиот претседател
Украина е подготвена да им ги претстави на Соединетите Американски Држави чекорите за завршување на војната со Русија, изјави денес претседателот на Украина, Володимир Зеленски.
„Многу активно работиме на сите компоненти на потенцијалните чекори за завршување на војната. Украинската и европската компонента сега се поразвиени и ние сме подготвени да ги претставиме на нашите партнери во САД. Заедно со американската страна, очекуваме брзо да ги направиме потенцијалните чекори што е можно поизводливи“, објави Зеленски на социјалната мрежа X.
Како што рече, Украина е посветена на вистински мир и останува во постојан контакт со Соединетите Американски Држави.
„Како што правилно забележуваат нашите партнери во преговарачките тимови, сè зависи од тоа дали Русија е подготвена да преземе ефикасни чекори за да го запре крвопролевањето и да спречи повторно разгорување на војната. Во блиска иднина, ќе бидеме подготвени да испратиме редактирани документи до Соединетите Американски Држави“, заклучи претседателот на Украина.