Тинејџерка и две постари жени загинале, десетици лица повредени во руските напади врз Украина
Руски дронови, пак, ја оштетиле зградата во која се наоѓа редакцијата на јавниот радиодифузен сервис Суспилнe и украинското радио Днепр во ноќниот напад врз Днепар
Најмалку три лица загинале во последните руски напади врз различни делови на Украина, соопштија локалните власти.
Во ноќта помеѓу 17 и 18 ноември, две жени биле убиени во руски напад со беспилотни летала во градот Городно, на границата со Черниховската област. Руските трупи го нападнаа градот со дронови „шехид“.
Според шефот на заедницата Хородњан, Андриј Богдан, жените на возраст од 75 и 72 години настрадале при директен удар врз куќа во станбена зона.
Седумнаесетгодишна тинејџерка, пак, е убиена, а девет лица се повредени во руски ракетен напад извршен ноќеска врз регионот Харков во источна Украина, изјави шефот на државната администрација на Харков, Олег Синегубов.
Тој рече дека меѓу повредените е и 16-годишно момче, објави Укринформ.
Синегубов објави на Телеграм дека седум лица кои биле повредени во рускиот напад врз градот Берестин во регионот Харков се хоспитализирани.
Руски дронови, пак, ја оштетиле зградата во која се наоѓа редакцијата на јавниот радиодифузен сервис Суспилнe и украинското радио Днепар во ноќниот напад, објави Суспилнe утрово.
Во моментот на нападот немало вработени внатре.
Објавена е и фотографија на која се гледа голема дупка во бетонските подови со видлива метална арматура, висечки кабли и срушени тавански панели.
Вршителот на должноста гувернер на регионот Днепропетровск, Владислав Хајваненко, изјави на Телеграм дека беспилотните летала го погодиле регионот доцна синоќа, при што биле повредени две лица, предизвикани повеќе пожари и оштетени станбени згради и градска инфраструктура.
Суспилнe е украински јавен радиодифузен сервис кој управува со телевизиски, радио и онлајн услуги преку мрежа од регионални редакции низ целата земја.
Украинската воздушна одбрана во текот на ноќта соборила 101 руски беспилотни летала од вкупно 114, објавија утрово Воздухопловните сили на вооружените сили на Украина.
Во објава на Телеграм се наведува дека руските сили ја нападнале Украина и со четири балистички ракети „Искандер-М“, објави „Укринформ“.
Се забележува дека руски беспилотни летала биле лансирани преку ноќ во северните, јужните и источните региони на Украина.
Руски ракети и беспилотни летала погодија 15 локации во Украина во текот на ноќта.