Венецуела не знае каде се наоѓа претседателот Николас Мадуро, изјави во саботата потпретседателката Делси Родригес по американските напади врз земјата, јавува Анадолу.

„Не знаеме каде се наоѓа претседателот Мадуро“, изјави Родригес во аудиоснимка емитувана на државната телевизија.

Нејзините изјави следуваат откако американскиот претседател Доналд Трамп изјави дека САД успешно извршиле „напад од големи размери“ врз Венецуела, тврдејќи дека Мадуро и неговата сопруга биле „заробени и со авион депортирани од земјата“.

Венецуела од Трамп бара „доказ дека претседателот Мадуро е жив“, додаде таа.

Венецуела го осудува „овој брутален и крвав напад“, изјави Родригес.

„Пораката е многу јасна: дадени се инструкции да ги активираме нашите сили за граѓанска безбедност и да започнеме со одбрана на нашиот народ.