Дубаи, чија економија е силно погодена од војната во Иран, им нуди на своите жители стимулативни пакети во вредност од 700 евра ако донесат странски посетители во градот.

Според информациите објавени на туристичката веб-страница на Дубаи, како дел од програмата Дубаи поканува (Dubai Invite) организирана од Министерството за економија и туризам на емиратот, жителите кои ќе донесат пријатели и роднини од странство ќе добијат низа бенефиции за возврат, како што се попусти за хотелско сместување, оброци во ресторан и билети за туристички атракции.

Секој жител може да аплицира за до три такви „пакети со бенефиции“ за посетителите кои ќе дојдат во Дубаи до крајот на октомври.

Посетителите, како што се пријатели или роднини, не смеат да бидат жители на Обединетите Арапски Емирати и мора да влезат во земјата со туристичка виза. Локалните извештаи велат дека повеќе од 10.000 апликации биле поднесени во првите 48 часа по објавувањето на програмата.

Минатата година, градот го посетиле речиси 20 милиони странски туристи, што е рекорден број.

Иранско-ирачката војна, која започна кон крајот на февруари со напади од страна на САД и Израел, силно ги погоди Дубаи и главниот град на емиратите, Абу Даби.

Иранските напади ги погодија нафтените капацитети на емиратот, аеродромот во Дубаи и некои цивилни области каде што се наоѓаат хотели.

Приходите драстично се намалија, а бројот на авиокомпании што работат во Дубаи се преполови.