Повеќе држави заинтересирани за борбениот авион ЏФ-17 на Пакистан и Кина
Пакистан произведува приближно 58% од моделот, вклучувајќи ја и конструкцијата, додека Кина ја снабдува авиониката, сочинувајќи ги преостанатите 42% од производството
Повеќе земји наводно размислуваат за купување борбени авиони ЏФ-17 од Пакистан, меѓу кои Ирак, Бангладеш и Индонезија информираат ивори од вооружените сили на Пакистан.
Саудиска Арабија и Либија, исто така, ги разгледуваат потенцијалните набавки. Досега, моделот ЏФ-17 е продаден само на Азербејџан, Нигерија и Мјанмар.
Пакистан произведува приближно 58% од моделот, вклучувајќи ја и конструкцијата, додека Кина ја снабдува авиониката, сочинувајќи ги преостанатите 42% од производството. Моторите ги произведува руската компанија Климов.
Неодамнешниот меѓународен интерес за заедничкиот борбен авион на Пакистан и Кина доаѓа по конфликтот минатиот мај, за време на кој Исламабад соопшти дека соборил неколку индиски авиони во текот на четири дена. Индија призна дека изгубила авиони во борбите, но не го прецизираше бројот.
Њу Делхи, исто така, тврдеше дека уништил неколку пакистански авиони, тврдење што Пакистан го негира.
ЏФ-17 Тандер е лесен борбен авион за сите временски услови, заеднички произведен од Пакистанскиот воздухопловен комплекс во близина на Исламабад и кинескиот објект АВИК Ченгду во југозападниот дел на земјата. Програмата беше започната според договор од 1999 година.
Пакистан моментално произведува петнаесетина ЏФ-17 авиони годишно, при што цената на секој авион се движи помеѓу 40 и 50 милиони долари.