Сирискиот претседател исклучува можност за договор за нормализација на односите со Израел

Сирискиот претседател Ахмад ал-Шара вчера по средбата со американскиот претседател Доналд Трамп отфрли какви било директни разговори за нормализирање на односите со Израел.

Шара експлицитно посочи на континуираната окупација на сириската Голанска Висорамнина од страна на Израел, која значително ја прошири во 2024 година по падот на режимот на Башар ал-Асад, велејќи дека условите со кои се соочува Дамаск се различни од оние во другите земји што ги потпишаа договорите.

„Сирија се граничи со Израел, а Израел ги окупира Голанските Висорамнини од 1967 година. Сега нема директно да влегуваме во преговори. Можеби администрацијата на Соединетите Американски Држави со претседателот Трамп ќе ни помогне да постигнеме ваков вид преговори“, рече тој во интервју за „Фокс Њуз”.

САД во меѓувреме ги спонзорира Абрахамовите договори за нормализирање на односите меѓу Израел и неколку земји со муслиманско мнозинство за време на првиот мандат на Трамп.

Пред влегувањето на Казахстан минатата недела, четири земји се приклучија на мировните договори: Бахреин, Мароко, Судан и Обединетите Арапски Емирати.

Трамп претходно изрази оптимизам дека Сирија, како и Саудиска Арабија, ќе се приклучат на договорите за нормализација.