Системот ГОКАЛП за справување со беспилотни летала, развиен од турската одбранбена компанија АСЕЛСАН, ги открива заканите со помош на радарски и електрооптички системи и автономно ги неутрализира заканите што ги претставуваат непријателските дронови, користејќи дронови-пресретнувачи.

АСЕЛСАН преку турската социјална мрежа НСоцијал објави дека домашно развиениот систем ГОКАЛП обезбедува целосно мобилен и исплатлив штит од беспилотни летала, благодарение на дизајнот што овозможува негова интеграција во возила.

Демонстрацијата на системот ГОКАЛП, развиен од АСЕЛСАН, беше одржана во технолошката база на компанијата во местото Оулбеј.

За време на демонстрацијата, радарот АУРА го откри целниот дрон, а податоците во реално време беа пренесени до дронот-пресретнувач ГОКАЛП Е1 преку софтверот за командување и контрола на системот ДРОНДЕФ.

Потоа, ГОКАЛП Е1 го уништи целниот дрон во воздух со директен судир („hit-to-kill“).

Оваа успешна демонстрација уште еднаш ги потврди интегрираните оперативни способности на различните компоненти на системот, како и неговата ефикасност при пресретнување во теренски услови.