Ердоган: Страдањето во Газа нема да остане без одговор
Турскиот претседател Ердоган вели дека во понеделник ќе има телефонски разговор со американскиот претседател Доналд Трамп за да разговара за Газа и мировните напори меѓу Украина и Русија
Турскиот претседател Реџеп Таип Ердоган го поздрави масовниот пропалестински митинг во Истанбул на Нова Година како „историски момент“, велејќи дека тоа испрати јасна порака дека „Палестина не е сама“.
„Она што го направи овој фараон наречен (израелски премиер) Бенјамин Нетанјаху нема да остане неказнето, бидејќи тој ги навлече клетвите на безброј угнетени луѓе, од млади до стари“, рече тој во петокот.
Осудувајќи ги постапките на Израел во Газа и влошувањето на хуманитарната ситуација таму, турскиот претседател рече: „Страдањето на децата во Газа, кои живеат во импровизирани шатори на ветер и дожд, нема да остане без одговор, а Нетанјаху нема да ја избегне одговорноста“.
Турскиот претседател и неговиот американски колега Доналд Трамп треба да разговараат телефонски во понеделник, рече турскиот лидер по петочната молитва.
„Ќе имаме уште еден разговор со американскиот претседател Доналд Трамп во понеделник“, рече Ердоган во Истанбул, додавајќи дека телефонскиот разговор ќе биде попладне.