Од почетокот на 2026 година, Анталија пречекала околу 14 милиони странски туристи, задржувајќи стабилен број на посетители и покрај конфликтите на Блискиот Исток, војната меѓу Русија и Украина и глобалните економски предизвици, изјави за агенцијата Анадолу претставник на секторот.
Каан Кашиф Кавалоглу, претседател на Здружението на хотелиери и туристички оператори од медитеранскиот регион (AKTOB), изјави дека туристичката сезона била многу успешна, и покрај падот од 5 отсто во бројот на странски гости, предизвикан од геополитичките тензии и економската стагнација во Европа.
Кавалоглу истакна дека секторот покажал отпорност за време на петгодишната војна меѓу Русија и Украина-два од клучните пазари за туризмот во Анталија.
Истовремено, оваа година е забележан значителен пораст на бројот на посетители од Украина, Узбекистан и Унгарија, што го компензирал падот од другите региони.
„Во моментов траат есенските одмори (познати како „Herbstferien“ во Германија), а и британските и руските туристи сакаат да патуваат во овој период. Цените во октомври се поповолни отколку во јули и август- дури и за домашните туристи- иако не се толку ниски како во летните месеци“, рече тој.
Тој додаде дека во ноември Анталија ќе биде домаќин на Конференцијата на ОН за климатски промени (ЦOП31) и дека веќе се вршат подготовки за пречек на „важни гости“.
