Дел од ракетата на американската компанија SpaceX, чиј основач е американскиот милијардер Илон Маск, би можела случајно да ја погоди Месечината на почетокот на август, според пресметките на американските астрономи и експертите на американската вселенска агенција НАСА, кои го следат движењето на остатокот од ракетата, додека сè уште се проценува дали евентуалниот удар ќе биде видлив од Земјата.

Според експертите, горниот дел на ракетата „Фалкон 9“, лансирана од Спејс X во јануари 2025 година, би можела да се судри со Месечината на 5 август.

Ракетата на компанијата Спејс X, чиј основач е милијардерот Илон Маск, потоа лансирала два уреди за слетување на површината на Месечината, а делот од ракетата што останал во вселената сега е на патека што би можела да доведе до случаен удар.

Американскиот астроном Бил Греј и НАСА предупредија дека горниот дел од ракетата би можел да ја погоди Месечината.

Експертите сè уште размислуваат дали евентуалниот удар ќе биде можно да се набљудува од Земјата.

Според проценките, дел од ракетата би можел да го погоди самиот раб на видливиот дел од Месечината, додека облакот од прашина создаден од ударот би можел да биде осветлен од сончева светлина и да стане видлив од Земјата.

Горната фаза на ракетата Фалкон 9 има маса од околу четири тони и моментално се движи со брзина од повеќе од два километри во секунда.

Сепак, НАСА проценува дека шансите ударот да се набљудува од Земјата се многу мали.

„Мислам дека ќе биде многу, многу тешко да се види, ако не и невозможно“, рече Вилијам Кук од НАСА.

Ударите на Месечината се случуваат и како дел од научните истражувања, но ваквите настани обично се планираат однапред и се користат за проучување на површината на единствениот природен сателит на Земјата.