Ердоган: Туркије може да посредува меѓу Иран и САД
Претседателот Ердоган нагласи дека Туркије е подготвена да преземе улога на посредник меѓу Иран и САД за да помогне во деескалацијата на тензиите и да придонесе за решавање на отворените прашања
Турскиот претседател Реџеп Таип Ердоган оствари телефонски разговор со иранскиот претседател Масуд Пезешкијан, на кој разговараа за билатералните односи и ескалацијата на воените тензии во регионот.
Двајцата лидери ги разгледаа односите меѓу Туркије и Иран, како и растечките безбедносни ризици што произлегуваат од неодамнешната ескалација, се вели во соопштението на Турската дирекција за комуникации.
За време на телефонскиот разговор, Ердоган нагласи дека Туркије е подготвена да преземе улога на посредник меѓу Иран и САД за да помогне во деескалацијата на тензиите и да придонесе за решавање на отворените прашања.
Во соопштението се додава дека Ердоган му рекол и на Пезешкијан дека ќе го прими иранскиот министер за надворешни работи подоцна во главниот град Анкара.