Турскиот претседател Реџеп Таип Ердоган денеска разговараше за билатералните односи, како и за регионални и глобални прашања, со бугарскиот претседател Румен Радев, соопшти Дирекцијата за комуникации на Туркије.

Од Дирекцијата наведуваат дека Ердоган ја истакнал решеноста на Анкара да ги зајакне билатералните односи со Софија и да преземе конкретни чекори за зголемување на соработката, особено во трговијата.

Според соопштението, турскиот претседател исто така ги нагласил напорите на Туркије за обезбедување безбедна пловидба во Црното Море, преку континуирани контакти и со Русија и со Украина.

Ердоган изразил жалење поради нападот со беспилотно летало во Ексклузивната економска зона на Бугарија, упатувајќи сочувство и најдобри желби, се додава во соопштението.

Tој, исто така, го покани Радев на Самитот на лидери во рамките на КOП31, кој е закажан за 11 и 12 ноември во Анталија, се наведува во соопштението.