Лавров: Русија нема намера да ја нападне Европа, но е подготвена воено да одговори
Рускиот министер за надворешни работи потсетува на изјавата на Путин дека во случај на напад против Русија тоа нема да биде специјална воена операција туку одговор со сите расположливи средства
Русија нема намера да ја нападне Европа, но е подготвена да даде воен одговор од сите размери доколку е потребно, изјави синоќа рускиот министер за надворешни работи Сергеј Лавров.
„Немаме намера да ја нападнеме Европа. Апсолутно немаме потреба од тоа. И доколку Европа ги оствари своите закани за подготовка за војна против нас и започне напад врз Руската Федерација, рускиот претседател Владимир Путин рече дека тоа нема да биде специјална воена операција од наша страна, туку воен одговор со сите расположиви воени средства, во согласност со релевантните доктринарни документи“, рече тој во интервју за телевизискиот канал НТВ, пренесува ТАСС.
Агенцијата потсетува дека во декември Путин изјави дека Русија не е во војна со Западот, туку дека Западот е во војна со Русија, преку рацете на украинските националисти.
Путин претходно истакна дека Русија нема намера да војува со Европа, но дека ако Европа одеднаш започне војна, нема сомнение дека Русија е подготвена „веднаш“.