Унгарскиот премиер Виктор Орбан во петокот изјави дека „е време Урсула фон дер Лајен да си ги спакува куферите и тивко да си оди дома“, оценувајќи дека Европската Унија под нејзино водство се движи кон „бездна“.

„Тука не се интересни рејтинзите на популарност, туку погрешните политики и лошото управување“, рече Орбан во видео објавено на профилот на X на Золтан Ковач, портпарол на унгарскиот премиер.

„Затоа велам дека би било подобро претседателката на Европската комисија да си ги спакува куферите и тивко да си оди дома, оставајќи го Брисел на оние што се способни да водат подобри политики, бидејќи сè за што се залагала досега мора да се преиспита. Со такви лидери, можеме само да завршиме во бездна“, рече Орбан.