Катарските медијатори се повторно во Техеран во обид да ги обноват преговорите за за прекин на конфликтот меѓу САД и Иран, а дипломатската иницијатива е координирана со Вашингтон.

Најновиот поттик доаѓа по извештајот на „Волстрит џурнал“ дека американскиот потпретседател Џ. Д. Венс испратил писмо до иранскиот шеф за безбедност Мохсен Резаи во обид да ги оживее прекинатите преговори.

Според иранските извори, Техеран ја примил пораката, но сè уште нема испратено одговор.

САД и Израел започнаа напади врз Иран на 28 февруари, што го натера Техеран да возврати со напади врз Израел и американските позиции во неколку арапски земји.

Вашингтон и Техеран потпишаа рамковен договор во јуни и потоа започнаа преговори, но разговорите пропаднаа поради несогласувања во врска со слободата и безбедноста на пловидбата низ Ормускиот теснец, клучен пат за глобално снабдување со енергија и трговија.