Австралија денес објави нов пакет санкции насочени кон високи ирански официјални претставници и финансиски мрежи поврзани со Иранската револуционерна гарда (ИРГЦ).

Министерката за надворешни работи Пени Вонг соопшти дека новите мерки опфаќаат 20 лица и три организации, меѓу кои и високи функционери и институции поврзани со ИРГЦ.

„Оваа одлука се надоврзува на одлуката на Владата на Албаниз за прогласување на Иранската револуционерна гарда за државен спонзор на тероризмот, како и на санкциите за повеќе од 200 ирански лица и субјекти“, се наведува во нејзината изјава.

Австралиската Влада досега има воведено санкции за повеќе од 200 ирански поединци и организации, од кои над 100 се поврзани со ИРГЦ.

Министерството за финансии на САД во петокот објави нов пакет санкции насочени кон високи ирански функционери и финансиски мрежи.

Претходно Европската Унија ја прогласи Иранската револуционерна гарда за „терористичка организација“, што предизвика силни реакции од цивилното и военото раководство на Иран.

Како одговор на тоа, Техеран ги прогласи европските армии за „терористички групи“.

Тензиите меѓу Иран и европските земји се зголемија поради неодамнешните протести во земјата, при што европските лидери го осудија, како што наведуваат, „насилното задушување на демонстрантите“.