Централната команда на американската армија (ЦЕНТКОМ) синоќа објави дека 16 ирански бродови за поставување мини во близина на Ормускиот теснец се уништени.

„На 10 март, американските сили уништија повеќе ирански воени бродови, вклучувајќи 16 бродови за поставување мини, во близина на Ормускиот теснец“, се вели во соопштението на ЦЕНТКОМ објавено на мрежата Х, заедно со видео на кое се прикажани некои од нападите.

Порано вчера, неколку американски медиуми објавија дека американските разузнавачки служби утврдиле дека Иран презема конкретни чекори за поставување мини во водите на Ормускиот теснец.

Реагирајќи на тие извештаи, американскиот претседател Доналд Трамп објави дека американската војска уништила „10 неактивни бродови и/или бродови за поставување мини“.

„Ќе има уште“, напиша Трамп на социјалната мрежа Вистина (Truth Social).