Кина денеска ги повика САД да ги решат трговските разлики со другите земји на „еднаков начин“, нарекувајќи ја најавата на претседателот Доналд Трамп за новите царини чекор што го поткопува мултилатералниот трговски систем заснован на правила.
“Пекинг одлучно ќе преземе контрамерки за да ги заштити своите интереси. Нема победник во трговската војна, а протекционизмот не води никаде. Кина ги повикува САД веднаш да ги поправат своите погрешни постапки и да ги решат трговските разлики со другите земји, вклучително и Кина, на еднаков, почитуван и взаемно корисен начин“, изјави портпаролот на Министерството за надворешни работи Гуо Џиакун.
Пекинг реагираше на САД да воведат реципрочни царини на своите трговски партнери, вклучително и царина од 34 отсто за Кина.
