Американскиот претседател, Доналд Трамп, изјави дека е „вознемирен“ од ставот на израелскиот премиер Бенјамин Нетанјаху за „постојаната борба“ со Либан.

Во интервју за Pod Force One, објавено во средата, коментирајќи ги извештаите за жестокиот телефонски разговор со Нетанјаху во понеделникот, Трамп рече дека му порачал на израелскиот премиер дека „во одреден момент... Биби, мора да го запреме ова“.

„Бев малку вознемирен поради неговата постојана борба со Либан“, рече Трамп, но додаде дека двајцата имаат „многу добар однос“.

„Работевме многу добро заедно. Многу ми се допаѓа Биби (Нетанјаху). И многу добро соработувам со него. Јас сум воен претседател, тој е воен премиер, во многу важен дел од светот“, рече Трамп.

Осврнувајќи се на иранската нуклеарна програма, Трамп изјави дека Израел не би постоел доколку не бил тој.

„Ова сега се однесува на Израел, бидејќи тие веројатно би биле првите што би биле погодени, немаше да има Израел... Да не бев јас, сега немаше да постои Израел“, рече тој.