Специјалниот претставник на САД, Стив Виткоф, денеска изјави дека преговорите за решение на украинската војна се при крај.

„Сега сме на крајот и всушност сум оптимист. Мислам дека се сведовме на едно прашање и разговаравме за повторувања на тоа прашање, а тоа значи дека е решливо. Значи, ако двете страни сакаат да го решат ова, ние ќе го решиме“, рече Виткоф на маргините на Светскиот економски форум (СЕФ) во Давос.

Тој додаде дека тој и зетот на американскиот претседател Доналд Трамп, Џаред Кушнер, ќе отпатуваат во руската престолнина Москва, а подоцна ќе отпатуваат во Абу Даби, каде што ќе се одржат состаноците на работната група.