Дирекцијата за поморски работи на Туркије во неделата соопшти дека нивото на безбедност за бродовите под турско знаме во Ормускиот теснец е зголемено на ниво 3, по извештаите за радио-емитувања во кои Иран наводно забранува премин на бродови низ каналот.

„Важно е да се следат навигациските соопштенија во овој регион и, по потреба, да се контактира Главниот центар за координација на потрага и спасување (AAKKM)“, наведе дирекцијата во изјава на социјалната мрежа X.

САД и Израел во саботата извршија заеднички напад врз Иран, а Техеран возврати со воздушни напади со ракети и беспилотни летала.

Иран во неделата ја потврди смртта на врховниот лидер ајатолахот Али Хамнеи и неколку високи функционери во тие напади.