Венецуела во саботата побара итен состанок на Советот за безбедност на Обединетите нации (СБОН) по американските напади врз земјата, соопшти министерот за надворешни работи Иван Хил.
„Како одговор на криминалната агресија што американската влада ја изврши врз нашата држава, побаравме итен состанок на Советот за безбедност на Обединетите нации, телото одговорно за почитување на меѓународното право“, напиша Хил на Телеграм.
„Ниту еден кукавички напад нема да ја надвладее силата на овој народ, кој ќе излезе како победник“, додаде тој.
Венецуела ги обвини САД за напади врз цивилни и воени објекти во повеќе сојузни држави и прогласи национална вонредна состојба.
Американскиот претседател Доналд Трамп го потврди „нападот од големи размери“ на својата платформа на социјалните мрежи Truth Social, тврдејќи дека претседателот на Венецуела, Николас Мадуро, и неговата сопруга биле заробени и со авион депортирани од земјата.
