Републикански сенатор го повика Јенсен Хуанг, кој поднесе оставка од функцијата извршен директор на Нвидиа, да се појави пред американските пратеници, додавајќи дека и министерот за трговија бил повикан.
„Неодамнешните извештаи покренуваат сериозна загриженост за нашата национална безбедност и заштитата на чувствителната американска технологија. Барам извршниот директор на Нвидиа, Јенсен Хуанг, и министерот за трговија, Хауард Лутник, да сведочат пред Банкарскиот комитет на Сенатот“, изјави претседателот на комитетот, Тим Скот, на X во четврток.
Промена на раководството
Нвидиа во четврток соопшти дека Хуанг се повлекол од функцијата претседател, извршен директор и член на одборот, а оставката стапува на сила веднаш. Независна истрага ги испитува извештаите дека Хуанг, кој го водеше производителот на чипови 33 години, бил цел на операција на странско разузнавање.
Компанијата јавно не ги детализираше околностите зад неговата оставка. Нејзиниот одбор претходно изјави дека има доверба во Хуанг и дека нема причина да верува дека националната безбедност на САД или тајните на компанијата се компромитирани.
Нвидиа ја именуваше главната финансиска директорка Колет Крес за привремена извршна директорка додека разгледува внатрешни и надворешни кандидати за постојаната улога.
Аферата „избриша“ приближно 550 милијарди долари од пазарната вредност на Нвидиa во текот на изминатите пет дена.
Пратениците на Претставничкиот дом бараат посебен брифинг
Хуанг, исто така, се согласи да ги информира пратениците на Претставничкиот дом зад затворени врати за потенцијалните закани за националната безбедност на САД, изјави претседателот на Комитетот за надворешни работи на Претставничкиот дом, Брајан Маст.
Пратениците сè уште работат на тоа кога ќе се одржи брифингот и кој ќе присуствува.
Лидерот на малцинството во Претставничкиот дом, Хаким Џефрис, повика на доверлив брифинг за Нвидиа, велејќи дека претходниот брифинг главно се фокусирал на Иран.
Лидерот на малцинството во Сенатот, Чак Шумер, рече дека Конгресот треба да продолжи да бара одговори од Хуанг, други претставници на Нвидија и администрацијата на Трамп.






















