Градежните екипи вчера започнаа нова фаза од изградбата на ѕидот покрај границата помеѓу САД и Мексико, во близина на мексиканскиот град Сиудад Хуарез, откако неодамна беше одобрен нов буџет за имиграција, јавува Анадолу.

Тешка механизација и работници беа забележани во близина на границата, каде што се планира изградба на нова делница во должина од повеќе од 11 километри. Ѕидот ќе се протега во близина на Санта Тереза, Тексас.

Проектот е дел од пошироките напори на американските власти да ја зајакнат контролата на границата и да одговорат на зголемениот број мигранти што се обидуваат да влезат на територијата на САД.

Изградбата на ѕидот останува контроверзна тема и предизвикува реакции во јавноста, особено меѓу активистите за човекови права и организациите што ги поддржуваат мигрантите.

Од друга страна, поддржувачите на проектот тврдат дека тоа е неопходен чекор за заштита на границите и за намалување на нелегалната миграција.