Регулаторната комисија за енергетика денеска донесе одлука за намалување на малопродажните цени на нафтените деривати во просек за 2,43 проценти.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2 денари за литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 09.11.2026 година.
Според РКЕ, малопродажната цена на ЕУРОСУПЕР БС-95 изнесува 84 денари за литар, додека малопродажната цена на ЕУРОСУПЕР БС-98 изнесува 86 денари за литар.
Малопродажната цена на ЕУРОДИЗЕЛ (Д-Е V), се намалува за 2,50 денари за литар, во однос на малопродажната цена утврдена пред една недела, па сега изнесува 92 денари за литар.
Малопродажната цена на Екстра лесното масло за домаќинство (ЕЛ-1), се намалува за 3 денари за литар, па сега изнесува 100,50 денари.
Малопродажната цена на Мазутот М-1 НС, се намалува за 0,998 денари за килограм, во однос на минатонеделната малопродажна цена, па сега ќе се продава за 48,314 денари за килограм.
Од РКЕ објаснуваат дека причина за новото поевтинување е падот на цените на светските пазари. Во однос на претходната пресметка, референтните цени на бензините се намалиле за речиси 7,5%, а на дизелот за нешто повеќе од 4%.
Во пресметката се задржани и владините мерки за намалување на акцизите за еден денар кај бензините и четири денари кај дизелот, како и повластената стапка на ДДВ од 10 проценти за дизелот.




















