Реизборот на американскиот претседател Доналд Трамп кон крајот на 2024 година и неговото враќање на функцијата на почетокот на 2025 година првично поттикнаа оптимизам на крипто пазарите, но главните криптовалути како што се Биткоинот и Етереумот ја завршија 2025 година со загуби.
Трамп ја заврши својата прва година во Белата куќа откако водеше кампања со начин на размислување „Америка на прво место“, ветувајќи дека ќе ја оживее американската економија, ќе ја зголеми вработеноста и ќе ги намали трошоците за живот преку царински и даночни реформи.
Криптовалутите беа меѓу класите на имот за кои се очекуваше да имаат корист за време на вториот мандат на Трамп. Тој вети дека ќе ги направи САД светска суперсила на Биткоин и потпиша извршна наредба на 6 март 2025 година, со која се воспоставуваат Стратешка резерва на Биткоин и Залихи на дигитални средства на САД.
По тие случувања и намалувањето на каматните стапки од страна на Федералните резерви на САД, Биткоинот достигна рекордни 126.199 долари, додека Етереум се искачи на 4.956 долари. Сепак, глобалните неизвесности поврзани со политиките на администрацијата на Трамп и прашањата околу идниот пат на политиката на Федералните резерви предизвикаа притисок за продажба на крипто пазарите.
Биткоинот влезе во тренд на опаѓање во февруари 2025 година и покрај тоа што го проби нивото од 100.000 долари во јануари.
Најголемата криптовалута во светот падна под 80.000 долари во март 2025 година, пред да се врати над 100.000 долари по 90-дневната пауза во царинската војна меѓу САД и Кина во мај. Обновената претпазливост во врска со намалувањето на каматните стапки на Федералните резерви и загриженоста за проценките на акциите за висока технологија подоцна го турнаа Биткоинот под 85.000 долари до ноември 2025 година.
Биткоинот затвори на 103.644 долари на 20 јануари 2025 година, денот кога Трамп ја презеде функцијата, и се тргуваше со околу 90.000 долари во текот на првата година од неговото претседателствување, останувајќи под својот врв.
Биткоинот има силен потенцијал, но доаѓаат скапоцените метали
Ураз Кеј, стратег за глобални пазари во турскиот инвестициски брокер АК Јатирим, за Анадолу изјави дека Биткоинот останува под нивото од јануари 2025 година и покрај тргувањето за околу 35% повисоко отколку во ноември 2024 година.
Кеј рече дека Биткоинот е приближно 27% под рекордот од октомври 2025 година.
„И покрај намалувањето на каматните стапки од страна на ФЕД во 2024 и 2025 година, позитивните чекори на администрацијата на Трамп за крипто пазарот и појавата на повеќе крипто инструменти во рамките на финансискиот систем, достигнавме точка под нивоата на поврат што инвеститорите се навикнати да ги гледаат на минатите крипто пазари“, рече тој.
„Преваленцата на Биткоинот во портфолијата на институционалните инвеститори сè уште не се зголемила толку колку што се очекуваше, додека перформансите на дигиталното злато го надминаа вистинското злато, а светот на стабилните монети (стејблкоин) стана нов извор на долг за САД, што доведе до прелевање на тгеополитичките ризици на крипто пазарот“, додаде тој.
Кеј рече дека опаѓачката корелација помеѓу Биткоинот и другите инвестициски инструменти покажува силен потенцијал за диверзификација, но скапоцените метали продолжуваат да доминираат во портфолијата.
„Бидејќи најпрометните тргувања во портфолијата се со скапоцени метали, дигиталното злато допрва треба да дојде на ред оти вистинското злато се зголеми и продолжува да расте“, рече тој.
Кеј истакнува дека вкупната вредност на активата во Биткоин спот фондови што се тргуваат на берза (ETФ) паднала до октомври 2025 година, но сепак изнесувала околу 125 милијарди долари.
„Биткоинот има силен потенцијал оваа година, но скапоцените метали го крадат вниманието“, рече тој.
Потенцијално повторно разгорување на интересот за Биткоин
Кеј изјави дека Насдак 100 минатата година забележал многу рекордни затворања, додека индексот е на пат кон уште едно рекордно затворање откако е затворен на крајот од октомври.
Тој истакна дека перформансите на индексот се посилни од оние на Биткоинот во однос на нивните соодветни врвови.
„Корелацијата Биткоин- Насдак 100 е исто така под нивото од претходните години, па затоа би имало повеќе смисла да се фокусираме на корелацијата Биткоин- Злато отколку на онаа со Насдак 100“, рече тој.
„Односот Биткоин- Злато беше тестиран над нивото од 40 во декември 2024 година, додека моментално е под 20 - и златото и среброто ја завршија минатата година со нивните најдобри приноси од 1979 година, започнувајќи ја силно новата година.“
„Можеби има повеќе смисла да се мисли дека група инвеститори кои не можат да се откажат од скапоцени метали покажуваат помал интерес за Биткоинот, наместо да се прави паралела помеѓу технолошките акции и Биткоин- со овој начин на размислување, потенцијалната корекција на скапоцените метали може повторно да го разгори интересот на инвеститорите за Биткоин“, додаде тој.
Извор: АА
