Администрацијата на американскиот претседател Доналд Трамп објави дека го поништува научното откритие дека емисиите на стакленички гасови го загрозуваат здравјето на луѓето, отстранувајќи ја правната основа за федералните климатски прописи.

Американската администрација, исто така, укина голем број федерални стандарди за емисии на стакленички гасови за сите возила и мотори произведени од 2012 до 2027 година, објави Ројтерс.

Трамп рече дека го поништува научното откритие дека стакленички гасови претставуваат ризик по здравјето врз основа на студиите спроведени од Агенцијата за заштита на животната средина (EПA).

Американскиот претседател рече дека „катастрофалните политики од ерата на Обама“, кои предизвикале сериозна штета на американската автомобилска индустрија и ги зголемиле цените за американските потрошувачи, официјално се укинуваат.

Претходно, минатата година, Трамп ги повлече САД од Парискиот договор за климата, а исто така ги откажа и даночните олеснувања од ерата на американскиот претседател Џо Бајден, насочени кон забрзување на употребата на електрични автомобили и обновливи извори на енергија.