Виткоф: Русија и Украина се согласиja да разменат над 300 воени заробеници
Коментирајќи ги разговорите посредувани од САД, Виткоф рече дека преговорите биле „детални и продуктивни“ и се заблагодари на улогата која ја има американскиот претседател Доналд Трамп
Русија и Украина се согласија да разменат 314 воени заробеници за време на трилатералните разговори во Абу Даби главниот град на ОАЕ, потврди американскиот претставник Стив Виткоф.
„Денес делегациите од САД, Украина и Русија се согласија да разменат 314 затвореници - прва таква размена во последните пет месеци“, изјави Виткоф.
Не беше прецизирано дали 314 е вкупниот број или бројот на затвореници што ќе бидат ослободени од секоја страна.
Русија и Украина последен пат спроведоа размена на затвореници на 2 октомври 2025 година, како дел од договорите постигнати во турската метропола Истанбул, каде што се одржаа три рунди директни мировни преговори претходно истата година.
Коментирајќи ги разговорите посредувани од САД, Виткоф рече дека преговорите биле „детални и продуктивни“ и се заблагодари на улогата која ја има американскиот претседател Доналд Трамп.
„Иако останува значајна работа, ваквите чекори покажуваат дека одржливите дипломатски напори даваат опипливи резултати и со нив се постигнува напредок за ставање крај на војната во Украина“, додаде тој.