Русија и Украина денеска извршија уште една размена на затвореници, при што секоја страна врати по 160 воени затвореници, соопштија официјални лица од двете земји.

Размената првично ја објави руското Министерство за одбрана, кое соопшти дека вратените руски војници моментално се во соседна Белорусија.

„Вратените руски воени лица моментално се во Република Белорусија, каде што рускиот комесар за човекови права, Јана Лантратова, работи со нив“, се вели во соопштението на министерството.

Се додава дека Обединетите Арапски Емирати ја олесниле размената преку медијациски напори.

Потврдувајќи ја размената, украинскиот претседател Володимир Зеленски објави на X: „Продолжуваме да ги враќаме Украинците дома од руско заробеништво. Денес, 160 војници беа ослободени од заробеништво. Сите беа држени во заробеништво од 2022 година.“